I ulur pas një tavoline të zezë, në një dhomë të vogël në kosovën e veriut, kryebashkiaku i fshatit, Izmir Zeqiri, duhet të mësohet me famën ndërkombëtare. “Nuk ishte qëllimi im të bëhesha i njohur”, thotë ai ndërsa telefoni i bie pa pushim. “Ne mendonim se më shumë njerëz do të merrnin pjesë në zgjedhje dhe nuk e imagjinonim se mund të fitonim”. Dhe kjo nuk është një modesti e rreme. Zeqiri është një nga disa qindra shqiptarët që jetojnë në komunën me shumicë serbe të Zubin Potokut dhe kandidimi i tij në zgjedhjet e prillit ishte një gjest simbolik. Por kur lista serbe bojkotoi zgjedhjet, me urdhër të beogradit, Zeqiri e gjeti veten në syrin e stuhisë. Ai fitoi 197 vota nga një pjesëmarrje prej 6 për qindësh, 17 më shumë se kundërshtari i vetëm i tij. Ndaj javën e shkuar ai bëri betimin në detyrë. Kryebashkiakët shqiptarë, bënë betimin edhe në tre komunat e tjera në veri.