Rreth 6 mijë bimë narkotike janë asgjësuar në Shkodër në kuadër të operacionit kombëtar ‘Koordinata’. Falë monitorimit të kryer nga ajri me dronë dhe nga toka me patrulla, është zbuluar droga si dhe është bërë i mundur asgjësimi i saj. Në kuadër të këtij operacioni, janë proceduar penalisht për shpërdorim detyre dhe moskallëzim krimi dy roje mjedisi dhe pesë kryetarë fshatrash në zonat ku u kultivuan bimët narkotike. Gjithashtu, është shpallur në kërkim një person i dyshuar për kultivimin e mbi 2 mijë bimëve, të cilat u gjetën disa javë më parë në fshatin Vigë-Mnelë. Konkretisht në njësitë administrative Pult, Shalë dhe Shosh në Shkodër, u asgjësuan 688 bimë narkotike. Në njësinë administrative Temal, Vau i Dejës, u sekuestruan dhe asgjësuan 5311 bimë dhe fidanë të dyshuar. Për këto raste, janë proceduar penalisht tre kryetarë fshatrash për shpërdorim detyre. Gjithashtu është shpallur në kërkim shtetasi një 32 vjeçar, për kultivimin e mbi 2100 bimëve narkotike në Vigë-Mnelë, ku Gjykata ka caktuar masën “Arrest në burg”.