Një 29-vjeçar ka rënë në prangat e Policisë së Tiranës, pasi kishte përshtatur banesën për prostitucion, si edhe merrej me shitje lëndësh narkotike. Bëhet fjalë për shtetasin me inicialet E.H., I cili shfrytëzontë vajza për prostitucion, të cilave iu jepte para fallso ose lëndë narkotike. Gjatë vëzhgimit për një periudhë 9 mujore rezultoi ai e kryente aktivitetin e tij në rrugën “Thoma Koxhaj” në banesën e tij. Në pranga përfunduan gjithashtu klienti që u kap në flagrancë, me iniciale P.GJ., 57 vjeç, banues në Angli, si edhe personi që siguronte lëndën narkotike, me inicialet M.D. Ndërsa, e reja që shfrytëzohej për prostitucion u procedua penalisht, së bashku me punëtorin e lavazhit të 29-vjeçarit, përshkak se iu gjet një sasi lëndë narkotike. Gjatë aksionit policia sekuestroi dy automjete, një sasi lëndë narkotike kokainë dhe cannabis sativa, 1300 euro dhe shuma parash, të dyshuara të përftuara nga ky aktivitet kriminal, si dhe kartëmonedha paund të dyshuara të falsifikuara. Në kuadër të operacionit “Compensation”, qe u finalizua diten esotme, janë arrestuar dhe 4 shtetas të tjerë në mars të këtij viti.