Një rast i mosdeklarimit të parave në pikën e kalimit kufitar në Kapshticë, është goditur këtë të enjte. Gjatë kontrollit të shërbimeve të Policisë Kufitare të Kapshticës, në vijën e dytë, u zbulua brenda një kamioni e fshehur në kabinën e kamionit, 27 mijë e 915 euro si dhe 2 mijë e 935 dollarë. Këto para, shoferi i kamionit po tentonte t’i nxirrte nga vendi, pa i deklaruar në pikën e kalimit kufitar. Për këtë arsye nisi procedimi në gjendje të lirë për shtetasin turk A. D., 50 vjeç, i cili rezulton banues në Stamboll. Shuma e eurove dhe dollarëve u sekuestrua nga Policia, në cilësinë e provës materiale. Prokuroria po heton turkun për veprën penale mosdeklarimi në kufi i të hollave dhe sendeve me vlerë Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.