Autoritete në Kosovë, pas kryerjes së hetimeve, kanë vënë në pranga një shtetas serb të dyshuar për krime lufte gjatë viteve 1998-1999. Zoran Stankoviq u arrestua në pikëkalimin kufitar të Merdares, teksa prej kohësh ishte nën monitorimin e autoriteteve, derisa u hyri në territor të Kosovës, ku u bë e mundur dhe ndalimi i tij. Sipas Prokurorisë Speciale të Kosovës, i pandehuri, si pjesë e një grupi paramilitar të forcave serbe, dyshohet se ka kryer krime lufte në fshatin Matiçan, në Prishtinë gjatë luftës. Prokuroria pritet që të kërkojë paraburgim, derisa ai të gjykohet në bazë të provave të paraqitura.