Një 21-vjeçar është arrestuar nga forcat ‘Shqiponja’ në Vlorë, pasi është kapur duke shitur doza kanabisi në zona të ndryshme të qytetit. Pas kontrolleve të cilat synojnë parandalimin dhe goditjen e veprimtarive kriminale, të riut i janë gjetur 60 doza me lëndë narkotike të llojit kanabis sativa. 21-vjeçari dyshohet se merrej me shpërndarjen e dozave të kanabisit në zona të ndryshme të qytetit. Pas përfundimit të veprimeve procedurale, specialistët për Hetimin e Narkotikëve të Drejtorinë Vendore të Policisë Vlorë arrestuan 21-vjeçarin, i cili akuzohet për veprën penale “Prodhimi dhe shitja e narkotikëve”. Sakaq në kuadër të operacionit ‘Koordinata’ u vu në pranga një 59-vjeçar, i cili u kap duke u kujdesur për bimët narkotike që kishte kultivuar në afërsi të përroit të fshatit ku banonte. Ndërsa droga u sekustrua dhe u asgjësua nëpërmjet djegies.