Renald Gjini është arrestuar nga policia në kuadër të operacionit të koduar “Il Obiettivo”, pas operacioni të strukturave të policisë Vlorë dhe në bashkëpunim me Interpolin. Ai është arrestuar me qëllim ekstradimin drejt Italisë. Gjini ishte i dënuar nga Gjykata e Apelit në Bolonja me 12 vjet e 10 muaj burgim për veprat penale “Vrasje” dhe “Mbajtja pa leje e armëve”, sipas legjislacionit penal italian. Arrestimi i tij u realizua në lagjen “Rilindja” të qytetit të Vlorës, si rezultat i hetimeve të kryera nga strukturat për Hetimin e Krimeve të Rënda në bashkëpunim me Seksionin Operacional të Drejtorisë Vendore të Policisë Vlorë dhe me mbështetjen e zyrave homologe të Interpolit. Interpol Tirana dhe Interpol Roma po vijojnë bashkëpunimin për përfundimin e procedurave të ekstradimit të tij drejt Italisë.