Olsi Kapllanaj ka rënë në prangat e policisë së Shtetit, pais ishte në kërkim nga drejtësia italiane për përfshirje në një organizatë kriminale dhe për trafikim të lëndëve narkotike. Operacioni që çoi në arrestimin e tij ishte “Operacionalja 51” i finalizuar nga Policia e Shtetit në bashkëpunim të ngushtë me Policinë italiane dhe në koordinim me rrjetin ndërkombëtar ENFAST. Si rezultat, në aksin rrugor “Fier-Vlorë”, u arrestua Olsi Kapllanaj, 20 vjeç banues në Ballsh. Kapllanaj akuzohet nga autoritetet italiane për përfshirje në një organizatë kriminale dhe për trafikim të lëndëve narkotike, vepra për të cilat Gjykata e L’Aquilas ka vendosur masën e sigurisë “arrest në burg”. Kodi Penal italian parashikon deri në 24 vite burg për këto vepra. Autoritetet shqiptare dhe ato italiane po vijojnë bashkëpunimin për finalizimin e procedurave të ekstradimit të riut drejt Italisë.