Policia ka sekuestrur një arsenal armësh zjarri të modifikuara me silenciator dhe municion luftarak, ne banesen e 63 vjecarit I.I ne Gjirokaster. Policia ben te ditur se fale bashkëpunimit me Forcat “Shqiponja”, në bazë të informacioneve të siguruara në rrugë operative 63 vjecari dispononte arsenal armësh zjarri. Gjatë kontrollit të ushtruar në banesën e tij, në lagjen Cfakë, Policia gjeti të fshehura në tavan dhe në një vend të përshtatur poshtë dyshemesë, një arsenal armësh, konkretisht: 4 armë zjarri të modifikuara me silenciator, 1 pistoletë shenjëdhënëse, 1000 fishekë, 8 krehra, 2 gjerdanë me 35 fishekë të armëve të gjahut, 1 aparat metalkërkues, 5 metër fitil zjarrëpërcjellës dhe mjete me të cilat kryente mbushjen e fishekëve të armëve të gjahut, të cilat u sekuestruan në cilësinë e provave materiale. Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme”, njofton policia.