Një 45-vjeçar shqiptar I shpallur në kërkim ndërkombëtar është arrestuar në Budapest, me qëllim ekstradimi drejt vendit tone. Në pranga ka rënë Auron Hajdini, alias Auron Hysaj, I cili rezulton I dënuar në Shqipëri me 5 vjet burg. “Falë informacionit të siguruar nga Departamenti i Policisë Kriminale në Policinë e Shtetit dhe i shkëmbimit të tij me Policinë hungareze, nëpërmjet Interpol Tiranës, u bë i mundur arrestimi në Budapest, me qëllim ekstradimi në Shqipëri, i shtetasit shqiptar: Auron Hajdini alias Auron Hysaj, 45 vjeç. Ky shtetas ishte shpallur në kërkim ndërkombëtar nga Interpol Tirana, pasi Gjykata e Apelit Tiranë, me vendimin e datë 21.02.2024, e ka dënuar me 5 vjet burgim, nga të cilat i kanë mbetur për të kryer 2 vjet, 11 muaj e 16 ditë.”, thuhet në njoftimin e policisë.