Policia e Durrësit ka finalizuar me sukses operacionin e koduar “Gjuricaj”, në kuadër të luftës kundër kultivimit të bimëve narkotike. Si rezultat i kontrollit të territorit me dron dhe informacioneve të siguruara në rrugë operative, shërbimet e Stacionit të Policisë Manzë, në bashkëpunim me Komisariatin e Durrësit, zbuluan një parcelë me 150 bimë të dyshuara narkotike të llojit kanabis sativa, në një zonë të pyllëzuar në fshatin Gjuricaj. Gjatë ndërhyrjes, u kap në flagrancë duke u kujdesur për bimët narkotike një 37 vjeçar, i cili dyshohet si autor i kultivimit të tyre. Ai u arrestua menjëherë, ndërsa bimët narkotike u asgjësuan me anë të djegies. Materialet procedurale janë referuar Prokurorisë Durrës për veprën penale “Kultivimi i bimëve narkotike”.