Pesë shtetas janë arrestuar nw rrethrrotullimin e Levanit, pasi u kanë dhënë ndihmë për kalim të paligjshëm të kufirit emigrantëve nga vendet e treta. Konkretisht shtetasit me iniciale I. Ç., dhe J. S., nuk i janë bindur shenjës së bërë nga shërbimet e Policisë për të ndaluar në aksin rrugor "Ura e Kardhiqit-Tepelenë”, por kanë vijuar me shpejtësi lëvizjen dhe kanë braktisur automjetin, pasi në automjetin e tyre kishin disa emigrantë nga vendet e treta që po i transportonin në drejtim të Shkodrës me qëllim kalimin e paligjshëm të kufirit drejt Malit të Zi. Pas kësaj shërbimet e Policisë iu janë vënë në ndjekje dhe si rezultat i koordinimit me Drejtorinë Vendore të Policisë Fier, në vend e quajtur "Rrethrrotullimi i Levanit", është mundësuar kapja e tyre si dhe i një shtetasi tjetër me iniciale D. K., i cili po ndihmonte shtetasit që kishin në makinë emigrantët, që të largoheshin, duke i transportuar me automjetin e tij, pas braktisjes së automjetit të tyre. Sakaq janë arrestuar edhe dy persona të tjerë me iniciale A. T., dhe M. B., pasi qarkullonin me automjetin tip "BMË", për të kontrolluar rrugën dhe për të njoftuar shtetasit që kishin emigrantët në makinë nëse kishte makina policie në qarkullim.