Policia e Kosovës ka arrestuar dy persona, pronarin e një kompanie autobusësh dhe shoferin e mjetit, nën dyshimin për trafikim me emigrantë. Gjatë një kontrolli në pikëkalimin kufitar Jarinjë, në linjën Mitrovicë–Beograd, u ndalua një autobus ku në katin e parë ndodheshin vetëm 8 udhëtarë të regjistruar, ndërsa në katin e dytë u gjetën 18 emigrantë të paligjshëm nga vende të Azisë Jugore dhe Afrikës. Hetimet paraprake tregojnë se bëhej fjalë për një tentativë të organizuar për kontrabandë me emigrantë. Të arrestuarit dyshohen se kanë qenë të përfshirë drejtpërdrejt në transportin e tyre. Sipas Policisë, emigrantët vinin nga Palestina, Bangladeshi dhe Egjipti, dhe shumica kishin synim të kalonin në Serbi e më pas drejt vendeve të Bashkimit Evropian. Të dyshuarve u janë marrë dëshmitë në prani të avokatëve mbrojtës dhe janë dërguar në paraburgim.