Arrestimi i Ledjo Brakajt në Maltë ka tërhequr vëmendjen e mediave greke. Sipas tyre arrestimi i shqiptarit u krye pas 7 vitesh kërkime. Ai është vrasës i krimit të dyfishtë që tronditi Greqinë më 30 nëntor 2019. 36-vjeçari, në orët e para të mëngjesit të datës 30 nëntor 2019, hyri në shtëpinë e një 71-vjeçareje në fshatin Asomati të Egjinës. Ai goditi me grusht të moshuarën dhe nipin e saj 44-vjeçar për të zbuluar më pas se ata kishin fshehur sende me vlerë. Aty, pasi i mbuloi me një grumbull rrobash, i dogji të gjallë. Familjarët, miqtë dhe fqinjët e dy viktimave thanë se kishin të bënin me një familje të qetë. 71-vjeçarja ishte si nënë për 44-vjeçarin, pasi ai dhe motra e tij më e madhe mbetën jetimë në moshë shumë të re. Në fakt, shumë argumentuan se e moshuara fshihte para dhe paund në shtëpinë e saj e kjo duket se ka çuar në tragjedinë e dyfishtë.