Ministrat e jashtëm nga armenia dhe azerbajxhani do të bisedojnë për tensionet në rajonin e nagorni karabakut në moskë. Lajmi është dhënë nga kremlini. “Baku dhe Yerevani kanë konfirmuar pjesmarrjen e tyre në negociatat në moskë. Përgatitjet janë bërë tashmë”, tha zëdhënësja e ministrisë së jashtme ruse, maria Zakharova. Presidenti vladimir putin ftoi ministrat e jashtëm nga dy vendet që të vizitojnë moskën për bisedime paqeje mbrëmjen e të enjtes duke thënë se luftimet në nagorni karabakh duhet të ndalen për shkaqe humanitare. “Presidenti i Rusisë ka bërë thirrje për ndalimin e luftimeve në nagorni karabakh për arsye humanitare në mënyrë që të shkëmbehen trupat e pajetë dhe të burgosurit”, thuhej në një deklaratë të lëshuar nga kremlini. Lëvizja vjen ndërkohë që luftimet mes forcave armene dhe atyre azerbajxhanase në nagorni karabak vazhduan për të 11 ditë radhazi. Të dyja vendet fajësojnë njëri tjetrin për përshkallëzimin e fundit të situatës që i ka marrë jetën 400 personave që kur përleshjet nisën më 27 shtator. Njoftimi për bisedimet në moskë përbën edhe të parën përpjekje të madhe ndërkombëtare në përpjekje për të arritur një armëpushim mes palëve. Komuniteti ndërkombëtar ka apeluar në vazhdimësi për ndalim të luftimeve por nuk ka patur deri më tani asnjë shenjë se konflikti po zbutet.