Blutë e Shkodrës, kanë finalizuar operacionin policor të koduar ‘Precedenti’, duke vënë në pranga një 42-vjeçar. Policia njofton se falë informacioneve në rrugë operative, rreth veprimtarive kriminale të një shtetasi, banues në fshatin Kryebushat, Seksioni për Hetimin e Narkotikëve, në bashkëpunim me Seksionin Operacional, finalizuan operacionin policor. 42-vjeçari u arrestua në flagrancë, në fshatin Kryebushat. Nga kontrolli në automjet, iu gjet një sasi lënde narkotike Kokainë, e ndarë në doza, ndërsa nga kontrolli në banesë iu gjetën 110 kapsolla detonatore, 2 armë zjarri pistoleta, 1 silenciator dhe municion luftarak. Këto u sekuestruan me cilësinë e provës materiale, së bashku me automjetin dhe celularin e të arrestuarit. Materialet procedurale për rastin ‘Precedenti’ iu referuan Prokurorisë së Shkodrës, për veprime të mëtejshme.