Vrasja e Pjerin Xhuvanit, që përgjaku Elbasanin vetëm katër ditë para zgjedhjve të 25 prillit, nuk ka përfunduar ende hetimin e plotë nga organi i akuzës. Një vit pas përplasjes me armë zjarri, Gjykata e Elbasanit pranoi kërkesën e prokurorisë për shtyrjen me tre muaj të afatit të hetimeve, për të ofruar kohën e mjaftueshme për dokumentimin, mbledhjen e dëshmive dhe përfundimin e hetimeve nga prokuroria e Elbasanit. Pjerin Xhuvani, personi i cili mbeti i vrarë në një shkëmbim zjarri në Elbasan ka qenë kryetari i degës së Lëvizjes Socialiste për Integrim në Elbasan, por në zgjedhjet e 25 prillit, u rendit në krah të Partisë Socialiste. Ndaj edhe dyshimet për vrasjen e Xhuvanit lidhen ngushtësisht me motive politike. Personat që përdorën armë ishin Arbër Papleka, si dhe një grup mbështetësish të partive politike gjatë fushatës elektorale, një pjesë e mirë e të cilëve, ish efektivë policë. Gjithashtu arma është shkrepur edhe nga Klement Xhaferri, një emër i shpallur tashmë në kërkim nga policia e Elbasanit. Plumbat që vranë Pjerin Xhuvanin dyshohet t’i përkasin armës së ish efektivit të Reneas, Arbër Papleka, teksa qarkullojnë edhe momente të fotografuara të tij, me armë zjarri në duar ditën e vrasjes së Xhuvanit. Nga përplasja me armë zjarri u plagos edhe dhëndri i tij, Eltjon Bodinaku si dhe Emiljan Prenga dhe Pavlo Vuksani