Kërkuesit në universitetin kombëtar të teknologjisë së mbrojtjes në Kinë, pretendojnë se kanë kapërcyer sfidën më të madhe në prodhimin e armëve me lazer, mbi-nxehjen. Sistemet e lazerave me energji të lartë përdoren për të bllokuar mjetet ajrore të telekomanduara, si dronët e luftës, por armët mbinxehen gjatë cdo përdorimi, duke detyruar operatorët ti fikin ato për tu ftohur. Por, shkencëtarët kinezë raportuan zhvillimin e një sistemi ftohës që lëshon gaz nëpër armë për të larguar të nxehtin dhe për të përmirësuar shënjestrën e lazerit për goditje precize. Ndërsa armët me lazer mendohej më parë se do të mbeteshin të kufizuara brenda filmave fantastiko-shkencorë, qeveritë nëpër botë kanë punuar për përmirësimin e teknologjisë prej dekadash. SHBA punon prej kohësh për të zhvilluar atë që shkencëtarët kinezë pretendojnë se e kanë arritur, cka do tu lejojë atyre të vendosin lazera në dronë dhe raketa. Kjo sipas shkencëtarëve kinezë është një arritje e jashtëzakonshme në përmirësimin e performancës së sistemeve lazer.