Ndërsa Tajvani po përgatitej për fillimin e stërvitjeve të përvitshme ushtarake, sistemi i tij i mbrojtjes ajrore zbuloi një dron kinez, që fluturonte mbi ishull. Kjo është hera e gjashtë që nga viti 2023 që Kina dërgon dronë për të operuar rreth Tajvanit. Dronët si ai, janë të ngarkuar me misione të dyfishta zbulimi dhe frikësimi, dhe janë vetëm një pjesë e vogël e një prirjeje më të gjerë që po bën bujë nga Ukraina deri në Lindjen e Mesme dhe ngushticën e Tajvanit. Kjo është një prirje që po ndryshon mënyrën e zhvillimit të luftës. Rritja e rolit që luajnë mjetet ajrore pa pilot dhe shqetësimi në rritje për një pushtim kinez të Tajvanit, po shtyn Uashingtonin, Pekinin dhe Taipein të investojnë më shumë në teknologjinë e dronëve ushtarakë. Gushtin e kaluar, Pentagoni filloi projektin “Replicator” prej 1 miliard dollarësh, që ka për qëllim prodhimin e mijëra dronëve ajror, detar dhe tokësor. Pentagoni synon të ndërtojë këtë forcë dronësh deri në gusht të vitit 2025.