Rreth 15 kuti të cilat përmbanin informacione të klasifikaura u gjendet në rezidencën e ish-presidentit Donald Trump në Mar-a-Lago. Lajmi u bë me dije nga Administrata Kombëtare e Arkivave dhe Regjistrimeve në një letër që konfirmonte se çështja i ishte dërguar Departamentit të Drejtësisë. Sipas mediave të huaja, kutitë përmbanin informacione të ndjeshme dhe shumë të rëndësishme gjatë kohës që Trup ka qenë president. Zbulimi mund ti interesojë gjithashtu hetuesve federal, për trajtimin e sekreteve qeveritarë, megjithëse Departamenti i Drejtësisë dhe FBI nuk kanë treguar se do të ndjekin. Ligji federal ndalon heqjen e dokumenteve të klasifikuara në vende të paautorizuara, megjithëse është e mundur që Trump mund të përpiqet të argumentojë se, si president, ai ishte autoriteti përfundimtar i deklasifikimit. Trump kohët e fundit mohoi raportet për marrëdhëniet e dobëta të administratës së tij me Arkivin Kombëtar dhe avokatët e tij thanë se ata po vazhdojnë të kërkojnë për të dhëna shtesë presidenciale që i përkasin Arkivit Kombëtar.