Një ari që u fut në makinën e një cifti amerikan, u detyrua të kalojë gjithë natën atje pasi mbylli veten brenda saj. I paftuari ia doli me sukses të rrotullonte dorezën nga jashtë derës, me gjasë në kërkim të ushqimit, por pa që e njëjta strategji nuk funksionoi për ta hapur sërish derën nga brenda. “Ai ka qendruar brenda makinës nga pas orës 11 të mbrëmjes deri thuajse në orën shtatë të mëngjesit”, tregon cifti. “Herë pas here dëgjonim një kërcitje. Mendova se mos ishte rrëzuar ndonjë kosh mbeturinash apo dicka e ngjashme...por kishte qenë makina ime që kërciste”, thotë bashkëshorti. Ai kishte njoftuar sherifin lokal kur kishte parë kafshën e bllokuar në makinë dhe vetëm mëngjesin e ardhshëm ekspertët mundën të vinin në vendngjarje. Sidoqoftë, burri nuk kishte duruar deri në mbërritjen e ekspertëve, por kishte provuar herët në mëngjes të hapte derën e makinës me një shkop, nga një distancë e sigurt. Dhe ariu e vlerësoi këtë...doli me nxitim nga mjeti duke hungëritur....E pasi shpëtoi nga miku i paftuar, cifti shkoi të inspektonte dëmet...një xham i thyer, një ekran i ngrënë, dera e pasagjerit e shtrembëruar dhe shumë por shumë erë e keqe...