Në kohë krize, shumëkush investon në ar. Si bankat qendrore ashtu edhe qeveritë mbajnë metalin e cmuar si rezerva. Gjermania, për shembull, ka rezervat e dyta më të mëdha të arit në botë, me një total prej rreth 3,550 tonësh. Nga kjo sasi, 1,710 tonë ruhen në Frankfurt. Pjesa tjetër ndodhet jashtë vendit. Konkretisht: 405 tonë në Bankën e Anglisë në Londër dhe 1,236 tonë në Bankën e Rezervës Federale në Nju Jork. Kjo do të thotë se më shumë se një e treta e rezervave të arit të Gjermanisë, 37 përqind për të qenë të saktë, ndodhen në SHBA. Ari është konsideruar i sigurt atje për vite me radhë, ndër të tjera, sepse bankat qendrore janë përgjithësisht të pavarura dhe ka besim të madh të ndërsjellë mes tyre. Por Presidenti amerikan Donald Trump po përpiqet ta ndryshojë këtë. Në muajt e fundit, ai ka ndërmarrë gjithnjë e më shumë sulme që synojnë minimin e pavarësisë së Rezervës Federale, pra të bankave qendrore të SHBA-së. Kohët e fundit ai kërcënoi të shkarkonte kryetarin e Rezervës, Jerome Poëell, për shkak të rinovimit të ndërtesave të Rezervës Federale. Vetë Poëell e sheh këtë vetëm si një justifikim për të ushtruar presion. Trump është përpjekur tashmë të shkarkojë Kryetaren e Rezervës Federale, Lisa Cook. Çështja është aktualisht në Gjykatën Supreme. Për muaj të tërë, Trump ka ushtruar presion mbi Kryetarin e Rezervës Federale, Poëell, që të ulë normat kryesore të interesit më shpejt dhe më gjerësisht. E gjithë kjo shpesh shoqërohet me postime ofenduese në platformën e tij Truth Social. Në këto kushte, ruajtja e arit në SHBA mund të bëhet një problem potencial për Gjermaninë. Por, a duhet të kenë gjermanët frikë për sigurinë e rezervave? Disa ekspertë besojnë se aktualisht, rezervat e arit janë të sigurta në SHBA. Por një ditë të bukur, krejt papritur, qeveria amerikane mund të thotë: Ne po i mbajmë këto rezerva ari si kolateral. Dhe faktori i rrezikut, me Donald Trumpin, është sipas tyre i madh. Një numër ekspertësh besojnë se ari gjerman nuk është i sigurt në shba nën administratën trump, pasi amerika nuk është më e parashikueshme. Ndaj, ata mbështesin kthimin e arit nga nju jorku në gjermani. Kjo sipas tyre do ta bënte atë më të pavarur dhe fleksibël. Nëse ari do të ishte në Gjermani, në fakt nuk do të kishte asnjë rrezik. Për sa kohë që është në SHBA, ekziston një rrezik. Deri më tani, ky rrezik konsiderohej aq i vogël sa përpjekja për ta sjellë arin përsëri në Gjermani dukej shumë e madhe.