Prokuroria e Posaçme ka kërkuar konfiskimin e miliona eurove pasuri në emër të dy personave, që janë nën gjykim në Gjykatën e Posaçme si organizatorë dhe drejtues të një organizate kriminale me aktivitet në fushën e mashtrimit me call centerat. SPAK kërkon konfiskimin e disa apartamenteve dhe njësi banimi në Tiranë, vilave në gjirin e lalëzit dhe komplekse turistike, tokë në Mazrek, Kashar dhe Sauk, garazhe, automjete, një kompanie dhe mbi 2 milionë euro para të shpërndara në tre llogari bankare. Pasuritë në fjalë janë vendosur nën sekuestro prej marsit të vitit të kaluar. Ato janë në pronësi të Jusel Micit dhe Mendim Domit, që po gjykohen nga GJKKO për mashtrim kompjuterik, grup të strukturuar kriminal dhe kryerja e veprave penale në kudër të grupit të strukturuar kriminal. Prokuroria e Posaçme thotë se si rezultat i hetimeve të kryera, pasuritë e sekuestruara rezultuan të pajustifikuara nga burime të ligjshme, për të cilat prezumohet se janë rezultat i veprimtarisë kriminale.