Ambasadori i Shteteve të Bashkuara të Amerikës në Serbi, Christopher Hill, ka reaguar për vendimin e ndalimit të festivalit “Mirëdita, Dobar dan”. Gjatë një interviste për “Diplomacy and Commerce”, tha se nuk e kuptonte vendimin, pasi ajo si ngjarjen ndihmon në uljen e tensioneve dhe inkurajon bashkëpunimin mes Serbisë dhe Kosovës. “Ka gjithmonë arsye të sigurisë, kjo është e qartë për mua. Por, unë nuk e kuptoj këtë vendim. Festivali ka qenë i shkëlqyeshëm për Serbinë, është mbajtur për dhjetë vjet”, tha Hill. Diplomati tha më tej se mungesa e normalizimit të marrëdhënieve, përkthehej në jostabilitet dhe probleme. Festivali “Mirëdita, Dobar dan”, i cili promovon bashkëpunimin mes skenës kulturore e artistike të Kosovës dhe asaj të Serbisë, ishte planifikuar të mbahej në Beograd nga data 27 deri më 29 qershor.