Bordi i Paqes, iniciativa e nisur nga presidenti amerikan Donald Trump, ka mirëpritur Republikën e Kosovës si anëtare themeluese e organizatës. Përmes një postimi në X, Bordi shkruan se e mirëpret Kosovën si anëtare themeluese të organizatës sonë ndërkombëtare në rritje. Edhe ambasada e SHBA në Kosovë ka uruar anëtarësimin në Bordin e Paqes. ‘Urime Kosovë’, shkruhet në postimin e ambasadës ndërsa është shperndarë edhe postimi I Bordit të Paqes. Kosova u anëtarësua në Bordin e Paqes me 22 janar, me presidenten e vendit, Vjosa Osmani, e cila mori ftesë nga presidenti i Shteteve të Bashkuara, Donald Trump. Nisma e Bordit të Paqes është pjesë e planit 20-pikësh të presidentit Trump për t’i dhënë fund konfliktit mes Izraelit dhe Hamasit - grupit të shpallur terrorist nga SHBA-ja dhe fuqi të tjera.