Carlo Ancelotti kthehet të flasë pas eliminimit në Ligën e Kampioneve dhe këtë e bëri në konferencën për shtyp në prag të ndeshjes me Athletic Bilbaon. Trajneri italian iu përgjigj të gjitha kritikave që janë bërë pas dy ndeshjeve me Arsenalin duke marrë në mbrojtje klubin merenges ‘Nuk ka konflikt në klub dhe kush e thotë këtë, gënjen-tha Ancelotti-presidenti tregon më shumë afeksion në momente të tilla se kur fitojmë. Realiteti është që në këtë botë gjithcka vihet në diskutim, edhe një klub që ka fituar 30 trofe në 11 vjet. Liga e kampioneve është kompeticioni më i rëndësishëm për të gjithë, është historia më e rëndësishme e Real Madrid, por nuk është e vërtetë që pjesa tjetër nuk ka rëndësi’