Në mbledhjen e 91-të të Qeverisë së Malit të Zi, Kryeministri Milojko Spajiç ka analizuar punën e ministrave për gjysmën e parë të këtij viti. Analiza është realizuar një vit pas ristrukturimit të qeverisë dhe në qendër të vëmendjes ka qenë jetë realizimi i detyrave dhe premtimeve të ministrave. Sipas të dhënave nga dokumenti zyrtar “Pasqyra statistikore e realizimit për tremujorin I dhe II”, rezultatin më të mirë e ka arritur Zëvendëskryeministri për Politikë Ekonomike dhe Ministri i Zhvillimit Ekonomik, Nik Gjeloshaj, me 95.2 për qind të detyrimeve të realizuara. Ministria e Zhvillimit Ekonomik, nën drejtimin e ministrit Gjeloshaj ka treguar nivelin më të lartë të efikasitetit operacional, duke përmbushur pothuajse të gjitha detyrimet normative dhe tematike të planifikuara. Në raport thuhet se janë realizuar 3 masa normative dhe 17 masa tematike, çka e rendit ministrin Gjeloshaj në vendin e parë për sa i përket suksesit në qeveri. Ministri tjetër shqiptar, Marash Dukaj, që drejton administratën publike ka realizuar katër nga 8 angazhimet e marra, ose 50 për qind të detyrave. Kryeministri Spajiç njoftoi gjatë ristrukturimit se puna e ministrave do t'i nënshtrohej vlerësimit të rregullt, me theks në rezultatet konkrete