Presidenti i Serbisë, Aleksandar Vuçiç, pretendon se Tirana, Prishtina dhe Zagrebi kanë themeluar “aleancë ushtarake, sulmuese”. Kreu I shtetit serb edhe njëherë akuzoi marrëveshjen e nënshkruar mes tre vendeve se duan të shkatërrojnë vendin e tij. “Kjo është një aleancë sulmuese. Ka njerëz që ëndërrojnë se kur ka konflikt midis pjesëve të Perëndimit dhe Rusisë, kjo është një mundësi për ish-aleatët rusë, si ne, që të shkatërrohen plotësisht”, tha Vuçiç për TV Informe. Kjo është e disata akuzë që lideri serb bën në drejtim Shqipërisë, Kosovës e Kroacisë gjatë muajve të fundit. Retorikë që ka ardhur në rritje dhe pse pakti u nënshkrua në muajin Mars 2025, ku tre ministrat e mbrojtjes të tre vendeve hodhën firmat në Tiranë me qëllim forcimin e bashkëpunimit në fushën e mbrojtjes. Lidhur me këto qëndrime të mbajtura nga Vuçiç Ministri kroat, Davor Bozhinoviç, bëri thirrje për paqe dhe bashkëpunim në rajon hedhur poshtë pretendimet e presidentit serb. Kroacia dhe Shqipëria janë anëtare të NATO-s, ndërsa Kosova, pavarësinë e së cilës Serbia nuk e njeh, nuk është anëtare e aleancës.