Rreth 600 mësues në Kosovë kanë kërkuar pushim pa pagesë në mënyrë që të largohen nga vendi. Ky shqetësim është ngritur nga Sindikata e Bashkuar e Arsimit, Shkencës dhe Kulturës së Kosovës. Vjollca Shala, nënkryetarja e SBASHK-ut, është shprehur se para fillimit të vitit shkollor 2023-2024 në Drejtoritë Komunale të Arsimit kanë bërë kërkesë mbi 300 mësues për pushim pa pagesë. Këtë pushim, sipas saj, shumica prej tyre e kanë marrë me qëllim që të largohen nga Kosova dhe të shkojnë drejt shteteve të ndryshme të Europës. Ku shton se ky numër është rritur pas liberalizimit të vizave në fillim të janarit, gjë që ka bëë që numri i kërkesave të shkojë deri në 600 Ndërkohë ka edhe mësues të tjerë, të cilët nuk kanë bërë kërkesa në Drejtoritë Komunale, por po largohen nga vendi. “Ky është një alarm shumë shqetësues sepse në një të ardhme të afërt nëse vazhdon ky trend i ikjes së mësueve nga Kosova shkollat tona do mbetet pa mësues të gjuhë shqipe”, ka thënë ajo më tej.