Fondi Monetar Ndërkombëtar e cilëson urgjente nevojën që procedurat e partneritetit publik-privat në Shqipëri të kryhen brenda parashikimeve normale buxhetore. Gjetjet janë pasqyruar në raportin përfundimtar të monitorimit dyjavor në terren, që ekipi i Fondit Monetar Ndërkombëtar realizoi për dy javë në fund të shtatorit dhe fillim të tetorit në Shqipëri. Nga takimet e zhvilluara në Ministrinë e Financave dhe institucionet e tjera, Fondi Monetar Ndërkombëtar thotë se përfshirja e Partnerit Publik Privat dhe gjithë procesit të menaxhimit të projekteve të investimeve brenda buxhetit normal vjetor është një prioritet urgjent. Në të njëjtin raport thuhet se kostoja e Partnerit Publik Privat arrin në 40 për qind të prodhimit të brendshëm bruto, 4 për qind më shumë nga sa thotë Ministria e Financave në raportin vjetor të monitorimit të koncesioneve.