Shtyhet Samiti Botëror për Iranin e Lirë, që ishte menduar të zhvillohej këtë fundjavë në kampin e muxhahedinëve në Manzë të Durrësit. Në fakt, ky vendim erdhi pas një kërkese të qeverisë shqiptare, bazuar në disa të dhëna të Ambasadës Amerikane në Tiranë për kërcënime serioze me sulme terroriste. Samiti i opozitës iranine, i cili do të bënte bashkë 80 politikanë nga të dyja anët e Atlantikut, do të mbahej në kampin e rezistencës iraniane në Manzë më 23 dhe 24 korrik. Por kërcënimet ndaj shtetit shqiptar dhe paralajmërimi i ambasadës amerikane bënë Shqipëria t’i drejtonte një kërkesë opozitës iraniane të strehuar në vend, duke thënë se nuk mund të garantojë sigurinë e këtij samiti. ''Samiti Botëror i Iranit të Lirë i planifikuar për t'u mbajtur në Ashraf 3, shtyhet deri në një njoftim të dytë,''- thuhet në njoftimin e MEK.