Autoritetet tajvaneze thanë të martën se një satelit kinez kishte fluturuar mbi hapësirën ajrore jugore të Tajvanit. Përdoruesit e telefonave celularë në të gjithë ishullin morën një nje mesazh për alarm të kuq ajror, që i paralajmëronte ata për rrezik mbi sigurinë e tyre. Sateliti u lëshua nga qendra e lëshimeve satelitore Xichang në provincën Sishuan në Kinë – tha ministria tajvaneze e mbrojtjes. Transmetuesi kinez CCTV konfirmoi se një satelit i quajtur Sonda Ajnshtajn, ishte lëshuar nga qendra. Ai shtoi se misioni ishte një sukses i plotë./ Ministri i jashtëm i tajvanit tha ndërkohë se lëshimi i një sateliti mbi hapësirë ajrore tajvaneze, kaq pranë zgjedhjeve në ishull, është një aktivitet i dyshimtë. Tajvani tha se ministria e tij e mbrojtjes po gjurmon trajektoren e satelitit dhe është e gatshme të reagojë ndaj cdo situate. Mediat tajvaneze thanë se kjo ishte hera e parë që qeveria ka lëshuar një alarm të kësaj natyre në të gjithë ishullin. Opozita akuzoi madje qeverinë se po mbillte frikë, pasi në versionin anglisht të paralajmërimit kishte përdorur termin raketë. “Alarm ajror...një raketë po fluturon mbi hapësirën ajrore tajvaneze, tregoni kujdes”, shkruhej në tekst. Incidenti vjen pak ditë para zgjedhjeve presidenciale dhe atyre legjislative në Tajvan, që analistët thonë se do të përcaktojnë trajektoren e lidhjeve mes Pekinit dhe Uashingtonit. Sipas agjencisë hapësinore evropiane, sonda Ajnshtajn, është një partnership mes agjencisë, akademisë kineze të shkencave dhe institutit Max Planck për fizikën jashtëtokësore. Sateliti do të vëzhgojë fenomene misterioze në univers me qëllim që të zbulojë aspektet e panjohura të kozmosit – shkruante agjencia kineze e lajmeve Xinhua. Në dhjetor, mediat tajvaneze kishin raportuar për një raketë kineze mbi ishull. Një raport i publikuar më 10 dhjetor theksonte se një raketë e lëshuar nga Xichangu, kishte kaluar mbi tajvanin jugperëndimor, në hapësirën e jashtme.