Ministria e Arsimit ka pezulluar nga detyra mësuesin e fizkulturës, në Tepelenë, Kleanth Laci. Përmes një reagimi në Facebook, ministrja Kushi shkruan se është marrë masa e ndalimit nga policia dhe Zyra Arsimore Tepelenë për pezullimin e Lacit nga institucioni arsimor. Ky vendim do të qendrojë në fuqi deri në përfundimin e plotë të hetimee nga ana e autoriteteve përkatëse. 13 vjecarja e cila prentendon se është ngacmuar seksualisht nga 59 vjecari, ka marrë ndihmë nga punonjësit e shërbimit psiko-social dhe gjithashtu drejtoria dhe stafi i shkollës do të vijojnë mbështetjen për vajzën dhe familjen e saj, për ta kapërcyer këtë situatë. Kushi shprehet se qëllimi i Ministrisë së Arsimit është që në këto raste, nëse personi i ndaluar rezulton përgjegjës për akuzën e ngritur, merret vendimi për përjashtim të menjëhershëm nga sistemi arsimor. Ministrja e mbylli reagimin e saj, duke thënë se në Ligjin për Arsimin Parauniversitar është përfshirë një nen I ri, i cili do të miratohet së shpejti në Kuvendin e Shqipërisë.