Pas 4 muajsh në paraburgim për akuzën ‘krime lufte’, autoritetet serbe kanë liruar shtetasin e Kosovës, Hazir Haziri. Lajmi është bërë I ditur nga avokati I tij Arianit Koci, i cili shkruan në rrjete sociale se lirimi I Hazirit nga paraburgimi vërteton se arrestimi ka qenë i pabazuar dhe i ngritur mbi pretendime të pambështetura në fakte. 77 vjeçari Hazir Haziri ishte arrestuar më 8 shtator në pikën kufitare në Merdare dhe që atëherë ishte mbajtur në paraburgim në Serbi. Pas arrestimit, autoritetet serbe pretendonin se në qershor të vitit 1999, në Podujevë, Hazir Haziri në bashkëpunim me disa pjesëtarë të UÇK-së, e kanë vrarë me armë zjarri një civil serb. Serbia ka arrestuar vazhdimisht shtetas të Kosovës nën pretendimet për kryerje krime lufte, dhe vetëm në vitin 2025 u regjistruan disa arrestime të tilla.