Kryeministri Edi Rama u është përgjigjur akuzave të Sali Berishës që ngriti dyshime se votimi elektronik është manipuluar. Rama postoi një foto në Facebook nga selia e PS-së. Në foto ai thotë se është superskuadra që organizon sondazhet, studion shifrat, analizon trended e pjesëmarrjes, ndjek të dhënat e terrenit në kohë reale dhe projekton rezultatet me përafërsi mbresëlënëse në bazë algoritmesh shkencore. “Ndërsa të tjerët paralajmërojnë fitoret nëpër tribuna duke parë filxhanin e dëshirave të tyre dhe pastaj kur dalin rezultatet nga kutitë, vazhdojnë filxhanosen nëpër ekrane me dëshpërimin e avazit bajat të regjimit, që u grabiti befasisht fitoren imagjinare me kthetrat e krimit”, shkruan Kryeministri. Në foton e publikuar nga kryesocialisti tregohen një grup të rinjsh nga selia e PS-së të angazhuar me analizimin e sondazheve dhe rezultateve të zgjedhjeve.