Ervin Salinaji ka denoncuar nga burgu, atë që e konsideron skandal të Gjykatës së Lartë, me urdhër politik për të. Ish-deputeti demokrat duke u ndalur tek përzgjedhja e relatorit të çështjes së tij, thekson se është i marrë peng, duke konsideruar si “pengmarrje” procesin gjyqësor ndaj tij, ndërsa shprehet se çdo vendim merret me urdhër të kryeministrit Edi Rama. Ai shprehet se Gjykata e Lartë ka nxjerrë dy trupa e dy relatorë të ndryshëm për rastin e tij. Vonuan zbardhjen e vendimit për të penguar rekursin në Gjykatë të Lartë. Më burgosën duke pasur mandat dhe asnjë institucion nuk konstatoi humbjen e mandatit në momentin që isha në burg. Tani, vazhdojnë me shpifësinë e padrejtësisë, duke nxjerrë dy trupa e dy relatorë të ndryshëm për rastin tim, as më pak e as më shumë por në Gjykatën e Lartë! Është e qartë. Ky nuk është proçes, por pengmarrje.