Sezoni i ri shkollor vuri në lëvizje institucionet të cilët ushtruan kontrollet paraprake përpara se nxënësit dhe fëmijët të uleshin në bankat e shkollave. Një rëndësie të vecantë i është kushtuar edhe sigurisë së ushqimeve në shkolla dhe cerdhe, ku AKU, Autoriteti Kombëtar i Ushiqmeve këtë të mërkurë, nisi kontrollet në kuzhinat e shkollave, kopshteve dhe cerdhet në Lezhë. Kontrolle u ushtruan edhe në dyqanet apo marketet që ndodhen përballë apo në afërsi të institucioneve arsimore, me qëllim rritjen e sigurisë për fëmijët. Drejtori i AKU në Leshë Besmir Frroku bëri me dije se nga kontrollet e kryera, u vendosën 18 masa të lehta administrative. Në markete por edhe në kuzhinat e shkollave, kopshteve e cerdheve u morën disa produkte, të cilat do ti adresohen laboratoreve mjekësore, ku do të kryhen analizat përkatëse për të kuptuar nëse ato janë apo jo në parametrat e duhura për tu konsumuar nga fëmijët. Sipas Frrokut, në Lezhë ka patur ndërgjegjësim për të krijuar kushtet e duhura higjeno-sanitare dhe nga bizneset si fast food-e apo byrektoreve pranë shkollave pas masave administrative që AKU ka marrë ndaj tyre.