Nëntë palestinezë janë vrarë gjatë një sulmi ushtarak izraelit në Bregun Perëndimor, aksioni më vdekjeprurës i Tel Avivit prej vitesh në këtë zonë të pushtuar. Një grua e moshës 60-vjeçare u raportua në mesin e të vdekurve, në qytetin e Jeninit. Ushtria izraelite tha se ndërmori aksionin për të arrestuar militant të Xhihadit Islamik, që sipas saj po planifikonin sulme terroriste në Izrael. Presidenca palestineze akuzoi Izraelin për "masakër" në Jenin, e cila ka qenë skenë e bastisjeve të përsëritura muajt e fundit. Inkursionet janë pjesë e asaj që ushtria izraelite e përshkruan si një ofensivë anti-terroriste që filloi prillin e kaluar. Të shtëna të forta armësh dhe shpërthime mund të dëgjoheshin në pamjet video nga kampi i refugjatëve Jenin të enjten në mëngjes, ndërsa trupat izraelite rrethuan ndërtesat dhe u përleshën me militantët palestinezë.