Ka shkuar në dy numri i viktimave nga aksidenti i rëndë i regjistruar mesditën e kësaj të diele në qytetin e Vlorës. Pas drejtuesit të motomjetit 19 vjec, ka ndërruar jetë edhe 16 vjecari i cili ishte pasagjer. Policia e Vlorës thotë se i mituri humbi jetën gjatë rrugës për në spitalin e Traumës, atje ku i nis nga mjekët për trajtim më të specializuar. Pavarësisht se ai u trajtua për disa orë në spitalin e Vlorës, gjendja e tij u rëndua dhe fatkeqësisht ndërroi jetë. Ndërsa drejtuesi i motomjetit ndërroi jetë në vendin e ngjarjes, në rrugën Demokracia. Dy të rinjtë po qarkullonin me motomjet, në momentin që 19 vjecari humbi kontrollin dhe doli nga rruga duke u përplasur me një shtyllë elektrike. Shkaqet janë ende të paqarta nga policia, por paraprakisht dyshohet se shpejtësia tej normave të lejuara ka qenë arsyeja që coi në përplasjen e motomjetit. Ngjarja pritet të zbardhet nga grupi hetimor në vijim.