Një 32 vjecar shqiptar humbi jetën në një aksident tragjik në Itali. Olti Hysenaj mbeti viktimë, pasi automjeti I tij tip Ford u përplas me shtyllën e ndriçimit dhe më pasme një pemë. Ngjarja u regjistrua në afërsi të varrezave monumentale të Torinos. Në momentet e përplasjes Hysenaj u hodh nga automjeti, por sërish humbi jetën për shkak të plagëve të pësuara. Sipas mediave italiane, dyshohet se I riu humbi kontrollin e makinës, ndërsa ishte me një shpejtësi të lartë. Në vendin e ngjarjes u vendos menjëherë policia dhe stafet mjekësore. Autoritetet konfirmuan se shqiptari po udhëtonte I vetëm me makinë, ndërsa prej vitesh banonte në Torino. Ndërkohë po bëhet mbledhja e provave materiale si dhe kamerave të sigurisë përreth. Disa aksidente rrugore janë regjistruar në Itali, ku kanë humbur jetën shtetasit shqiptarë. Kujtojmë se pak më parë u aksidentuan dy vëllezër të clët po shkonin në punë, ku më pas humbën jetën. Po ashtu dhe një student shqiptare, e cila humbi kontrollin e makinës dhe u përmbys në rrugë. Numri I aksidenteve tragjike në vendin fqinj është I lartë. Ndërkohë, pjesa më e madhe e tyre janë regjistruar si pasojë e humbjes së kontrollit të mjetit apo shpejtësia e lartë.