Një aksident i rëndë rrugor ka ndodhur në Rrugën e Kombit, ku për pasojë drejtuesi i një automjeti ka mbetur i plagosur rëndë. Aksidenti është regjistruar në orët e para të mëngjesit të së premtes pranë qytetit të Kukësit. Një automjet ka dalë nga rruga dhe është përplasur në anësore. Drejtuesi i mjetit është shoqëruar në urgjencën e spitalit rajonal të Kukësit, ku pasi ka marrë ndihmën e parë mjekësore është nisur drejt spitalit të Traumës në Tiranë për ndërhyrje më të specializuar mjekësore. Rrethanat e aksidentit mbeten të paqarta, por dyshohet se shkak mund të jetë bërë prania e ujit në rrugë, prej reshjeve të shiut që kanë përfshirë vendin prej ditës së enjte dhe shpejtësia e automjetit. Policia është duke hetuar rastin.