Një aksident I rëndë është shënuar pasditen e kësaj të shtune në aksin Elbasan Peqin, në fshatin Paulesh, ku për pasojë një 8-vjeçare ka humbur jetën ndërsa 5 persona të tjerë kanë mbetur të plagosur. 8-vjeçarja udhëtonte me një automjet tip ‘Golf’ të drejtuar nga e ëma, kur janë përplasur me një tjetër automjet Brenda të cilit ndodheshin 3 udhëtarë. Si pasojë e aksidentit ka humbur jetën vajza 8 vjeçare, dhe kanë mbetur të plagosura e ëma dhe motra 11-vjeçare që udhëtonin me të. Po ashtu të plagosur kanë mbetur edhe personat që ndodheshin në automjetin tjetër, që drejtohej nga shtetasi A.H, banues në Kavajë dhe udhëtonte vetë I tretë. Të tre mbetën të lënduar dhe u dërguan në spital, ku ndodhen jashtë rrezikut për jetën. Përplasja mes 2 automjeteve ishte aq e forte saqë njëra prej tyre ka përfunduar mbi barrierën e rrugës. Sipas informacioneve paraprake dyshohet se shkak I këtij aksidenti të rëndë të jetë bërë lagështia në rrugë, por edhe shpejtësia. Grupi hetimor ndodhet në vendngjarje dhe po punon për zbardhjen e rrethanave të aksidentit.