34 të vdekur e mbi 70 të plagosur është bilanci i aksidentit të rëndë hekurudhor që tronditi Tajvanin, e sipas zyrtarëve vendas, këto shifra nuk janë përfundimtare. Një tren me tetë vagonë goditi një mjet i mirëmbajtjes rrëshqiti në shina, e përplasja ka qenë katastrofike. Disa prej vagonëve ende janë të bllokuar brenda një tuneli, dhe ekipet e shpëtimit po përpiqen me shumë vështirësi që të hyjnë në to. Treni raportohet se transportonte rreth 350 vetë. Presidentja e Tajvanit, Tsai Ing-ëen, njoftoi se ka ende njerëz të bllokuar në tren. “Mekanizmat e shpëtimit emergjent janë vënë në dispozicion për të sëmurët dhe të plagosurit. Shpëtimi i të bllokuarve është prioriteti ynë më i lartë tani”, deklaroi ajo. Aksidenti pranë qytetit Hualian duket se është më i rëndi në Tajvan në disa dekada. Në vitin 2018, 18 persona humbën jetën në vend si pasojë e një aksidenti hekurudhor. Më i rëndi i kësaj natyre deri tani konsiderohej megjithatë ai i vitit 1991, kur nga përplasja e dy trenave vdiqën 30 vete.