Akuzat e opozitës për takimet e kryeministrit Edi Rama me ish zyrtarin e FBI-së Charles McGonigal, gjetën përgjigje nga kreu i grupit të Partisë Socialiste, Taulant Balla gjatë një interviste në emisionin “Zona Zero” në Top News. Balla u shpreh se transparenca e takimeve të Ramës me McGonigal nuk ka munguar kurrë, ndaj i duhet lënë në dorë drejtësisë amerikane të flasë. “Nuk ka lidhje as me Ramën as me PS-në. Është kthyer në skizofreni opozitare, ky është një turp i atyre që e trumbetojnë. Zyrtarët takojnë zyrtarë të shumë vendeve. Biseda u bë vetë publike nga kryeministri vite më parë. Kishte të bentë me marrjen e eksperiencave në luftën kundër korrupsionit. Ai akuzohet për pagesa nga persona që s’kanë lidhje me qeverinë shqiptare. Pagesat nuk korrespondojnë fare me kohën e tij të ardhur në Shqipëri.