Kreu i KQZ-së, IlirjanCelibashi, vendosi ti japë mandatin e deputetit kandidates nga lista e mbyllur e Lëvizjes Shqipëria Bëhet, KleanaXhuveli. Në mbledhjen e kësaj të mërkure, Celibashi theksoi se dorëheqjet e kandidatëve pas printimit të fletëve të votimit nuk mund të njihen, e për rrjedhojë i ka shqyrtuar ato pas daljes së rezultatit. KleanaXhuveli, e cila është vajza e tezes së kreut të Shqipëria Bëhet, Adriatik Lapaj, revokoi dorëheqjen e saj, pas vendimit të ZeqirKordhonit, për revokim. Vetë Lapaj është shprehur se mandati nuk mund të shkojë tek Nisma Thurje, e cila nuk ka siguruar as 11 mijë vota në total, përballë 50 mijë votave të Shqipëria Bëhet. Nga ana tjetër KleanaXhuveli është shprehur se në listë të mbyllur kanë hyrë me vetëdije për tu dorëhequr, që t’i hapej rrugë kandidatëve të listës së hapur. Por për revokimin e dorëheqjes fajëson ZeqirKordhonin, e për këtë ajo shprehet se nëse do të ketë siguri se edhe ky do të dorëhiqet, ajo do e lërë mandatin për më të votuarin e listës së hapur. Ndërkohë po këtë të mërkurë, KQZ miratoi djegien e listës së mbyllur edhe të Partisë Social Demokrate, duke i dhënë mandatin më të votuarit të kësaj liste në Tiranë, TediMulaj.