Agencia e Mbikëëqyerjes policore ka përjashtuar nga radhët e saj një efektve policie, pasi dyshohet se ka kryer veprën penale të mashtrimit. AMP bën me dije se pas hetimeve nën drejtimin e Prokurorisë së Tiranës, ka rezultuar se punonjësja e policisë gjatë kohës që ka kryer detyrën si Specialiste për Hetimin e Krimeve, ka shfrytëzuar postin e saj, si oficere e Policisë Gjyqësore. Konkretisht pas ekzekutimit të urdhrit për kthimin e një mjeti të sekuestruar, nëpërmjet mashtrimit ka përvetësuar mjetin dhe në bashkëpunim me shtetasin Geri Kurti e kanë shitur atë për pjesë këmbimi me qëllim përfitimi. Për këtë arsye është dhënë masa e sigurimit “Pezullim nga detyra si punonjëse e Policisë së Shtetit” dhe “Detyrim për paraqitje në Policinë Gjyqësore”, për punonjësen, nën komisare Besie Koshena 44 vjeçe, efektive në Komisariatin e Policisë Nr.1, në Tiranë. Për bashkëpunëtorin e saj është dhënë masa e sigurisë arrest në shtëpi.