Avokati Maks Haxhia deklaroi se akuzat e ngritura ndaj klientit të tij, Ergys Agasi janë të pabaza, të pambështetura në prova dhe absurd. Në një deklaratë për mediat nga SPAK, ku u njoh me dosjen hetimore të SPAK, avokati tha se Agasi nuk ka ushtruar asnjëherë funksion publik dhe për rrjedhojë, nuk mund të mbahet përgjegjës për çështje që lidhen me tendera apo vendimmarrje shtetërore. “Akuzat ndaj Ergys Agasit janë absurditete. Po i ngrihen akuza për tendera një njeriu që nuk ka pasur dhe nuk ka asnjë funksion public. Nuk ka asnjë provë për akuzat që i ngrihen. Për këtë arsye, besoj se nuk është i çmendur që të vijë të paraqitet. Agasi i ka mbaruar punët e veta, por në këtë terren vetëm po të jetë një njeri që do që t’ja hedhin çelësin në det, mund të vijë që të paraqitet në organet e drejtësisë”.