Djali im është zgjuar këtë mëngjes pa shoqen dhe pa shokun e tij. Kështu shkruan në rrjetet sociale, Afrim Turkaj, babai i nxënësit të plagosur mbrëmjen e të premtes në Gllogjan të Decanit. Sapo u zgjua, i biri e ka pyetur për shokët dhe i ati i është përgjigjur: Ata janë tani në parajsë. “Sot djali im u zgjua, por pa shoqen dhe shokun e tij, me të cilët ishte ulur në autobus. Më pyeti a kanë shpëtuar, u desh ti them se ata jetojnë në parajsë” shkruan babai i të plagosurit. Në ngjarjen tragjik ku u sulmua me armë zjarri autobusi i linjës Gjakovë-Gllogjan mbetën të vrarë tre persona, dy prej tyre nxënës-maturantë, ndërsa tjetri ishte shoferi i autobusit. Policia e kosovës ende nuk ka një motiv zyrtar por hetimet vazhdojnë dhe janë të mbështetura në disa pista. Ajo që ka përjashtuar deri më tani, është pista e një sulmi terrorist. Autobusi ka qenë duke qarkulluar në aksin Gjakovë - Deçan, në kohën kur kanë ndodhur të shtënat. Nuk është ende e qartë nëse autobusi ka qenë në të vërtetë objektiv i sulmit.