Në një botë që është bërë më e rrezikshme vitet e fundit, skenari i makthit të një Lufte të Tretë Botërore rëndon në mendjet e njerëzve më shumë se kurrë. Në fillim të këtij viti, Sekretari i Mbrojtjes i Mbretërisë së Bashkuar, Grant Shapps paralajmëroi se bota mund ta gjejë veten në mesin e një lufte të madhe që do të përfshinte Kinën, Rusinë, Korenë e Veriut dhe Iranin në pesë vitet e ardhshme dhe se ne po lëvizim "nga një botë e pasluftës në atë të paraluftës". Lehtësimi i ndjerë në fund të Luftës së Ftohtë në fund të viteve '80 tani është zëvendësuar me alarmin në rritje për pushtimin rus të Ukrainës ndërkohë që lindja e mesme është në prag të shpërthimit. Por a po jetojmë në të vërtetë në një botë të paraluftës. Mediat britanike citojnë ekspertë të njohur në vend që mbi të gjitha nënvizojnë se rendi ndërkombëtar po prishet. Ka nga ata ekspertë që mendojnë se lufta e tretë botërore nuk do të ndodhë, pasi konfliktet aktuale po zhvillohen në teatro të ndryshëm dhe janë të ndarë. Të tjerë, mendojnë se tani ekziston potenciali për një shkëndijë që do të ndezë Luftën e Tretë Botërore. Kjo nuk do të thotë se një përshkallëzim deri në konflikt global, është i pashmangshëm, sidoqoftë, është më i mundshëm se kurdoherë tjetër që nga fundi i luftës së shkuar botërore.