Shoqëria NOA Control sh.p.k dhe shoqëria koncesionare NOA Inspect kanë reaguar menjëherë pas sulmeve të bëra kundrejt tyre për ndikim në rritjen e taksave të qytetarëve në sektorin e karburantit. Reagimi i këtyre shoqërive për të shmangur çdo paqartësi ndaj qytetarëve, ka qenë i menjëhershëm, për të hedhur poshtë akuzat që u bënë sipas disa informacioneve të publikuara në media. Sipas NOA Inspekt, lajmi se kjo shoqëri koncesinare po dyfishon tarifën e kontrollit të pompave në stacionet e karburanteve është tërësisht i pabazë. Shoqëria bën me dije se stacionet e karburanteve deri në momentin e dhënies me koncesion të shërbimit të kontrollit ligjor të instrumenteve matëse kanë paguar 6,000 Lekë për një verifikim të instrumentit matës, si dhe një tarifë tjetër që varionte në vlerat 8,000 – 14,000 Lekë për ofrimin e shërbimit të regjimit automatik. Këto tarifa janë lehtësisht të verifikueshme pranë Autoriteteve Përgjegjëse nga çdo entitet mediatik që është i interesuar.